الأيام تطوينا طوي والليالي تدور

وحلمي على الواقع بنيته وهديته


 



وقرب الحبايب يشفي الخاطر المكسور

وأنا خاطري ياما تكسر وداويته


 



على اثر الهوى الأول وذاك الجفا والجور

إلي اليوم قلبي ما استرديت عافيته


 



بعيداً عن عيون العرب ياسمي النور

فهقت الضلوع وشلت قلبي وحطيته


 



دخولك حياتي وانت ماخذت كرت عبور

يوضح لك شعوراً في القلب ما ابديته


 



تشوف الورق هذا لقيته بدون شعور

ونزفت الشعور اللي في القلب واحييته


 



وعذرت بالعرضه وعذرت بالجمهور

كتبتك شعر تطرب لوزنه وقافيته


 



وأنا يوم قررت ابتعد عنك يالمغرور

تبعت العقل والقلب نادى ولا اوحيته


 



لو انك تخيلت انسحابي وأنا مقهور

تمنيت لو أن الخطأ ذاك ما اخطيته


 



وعلى كثر ما جاء منك يا صاحبي معذور

عشان الغلا باب المشاريه صكيته


 



تبسم ووريني الكرستال والبلور

وانا عنك باخذ كل ضيقة وتنهيته

أقرأ أيضا

عدد التعليقات كن أول المُعلقين

أترك لنا تعليق

يتم عرض التعليق بعد تفعيلة من المشرفين